 |
नवे वर्ष
नवे स्वप्ने,
नव्या आशा,
नवा उत्साह..
आणि नवा संकल्प ... एका महिन्यात किमान एक तरी पुस्तक वाचायचं अस ठरवलं. आणि पहिलंच पुस्तक घेतलं ते म्हणजे रिच डॅड पुअर डॅड
ह्या पुस्तकात रॉबर्ट कियोसाकी हे श्रीमंत माणस अधिक श्रीमंत कसे होतात आणि गरीब माणस गरीबच कसे राहतात...
मध्यम वर्गीय माणसं मध्यम वर्गीयच कसे राहतात...
हे उत्तम रीतीने सांगितले आहे.
शाळा आणि कॉलेज आपल्याला काय शिकवतात तर अभ्यास करा , चांगले मार्क घ्या म्हणजे तुम्हांला चांगली नोकरी मिळेल. पैसा मिळेल , तुमचं जीवन उत्तम होईल पण तसं होत का ?
पण खरंच मिळतो का पैसा आपल्याला.. ?
तर नाही. मग काय होत तर आपण रॅट रेस मध्ये अडकतो...
रॅट रेस म्हणजे काय तर ....
शाळा - डिग्री - नोकरी - पैसा - मोठं घर - मोठं कर्ज - मोठी कार - त्यासाठी मोठं कर्ज - जास्त काम
तुमचं उत्पन्न = गरजा ( खर्च )
जितका जास्त पैसा मिळतो तितक्याच जास्त गरजा वाढतात मग त्यासाठी जास्त काम करावं लागतं..
या रॅट रेस मध्ये अडकायच नसेल तर नक्की काय करावं हे या पुस्तकात अत्यंत उत्तम पद्धतीने सांगितले आहे.
नोकरी हे दीर्घकालीन प्रश्नावरच अल्पकालीन उत्तर आहे.
आपल्याला आयुष्यभरात किती पैसा मिळाला या पेक्षा आपण तो किती साठवला आणि वाढवला याला जास्त महत्त्व असतं..
लक्षात ठेवा आर्थिक साक्षरता नसेल तर असलेला पैसा तेवढ्याच वेगानं संपून जातो..
पैसा कमावण्यापेक्षा तो गुंतवता आला पाहिजे.
योग्य ठिकाणी गुंतवणूक करण म्हणजे काय? पैसाच पैशाला कसं आकर्षित करतो याच ज्ञान
घेणं गरजेचं असत. नाही तर आपल्याला आयुष्य भर फक्त पैशासाठी काम करत राहावं लागेल.
पैशाच गणित समजून घेता आल पाहिजे. तो नक्की कसा काम करतो ते ही समजून घेतलं पाहिजे.
आणि हे सगळं गणित समजवण्याचं काम रिच डॅड पुअर डॅड हे पुस्तक करत. ते ही अगदी सहजपणे...
तुम्ही श्रीमंत होता म्हणजे नक्की काय ? तुमच्या मनात कडे मोठ्या गाड्या असतात का ? तुमच्या कडे मोठं घर असत का ? महाग कपडे घातले का ? तर नाही
श्रीमंत असंण म्हणजे तुमची बचत, तुमची गुंतवणूक, तुमची रियल इस्टेट मधील प्रॉपर्टी जी की ती तुम्हाला पैसा मिळवून देईल.
गाडी, घर , कपडे फक्त लोकांना दाखवण्यासाठी घेऊ नका. शोऑफ करण्यासाठी पैसा खर्च करु नका..
या पुस्तकातून नक्की काय शिकायला मिळालं तर
हे ....
¶ तुम्हांलाच फेडावे लागेल अशा मोठ्या कर्जात कधीही अडकू नका..
¶ बचतीचा प्राधान्य द्या...
¶ बचत केलेला पैशाची योग्य गुंतवणूक करा..
¶ पैशाच नियोजन करा. त्याचा हिशोब ठेवा..
¶ उत्पन्न वाढविण्यासाठी गुंतवणूक करा...
¶ पैसा निर्माण करण्याची कला शिकून घ्या...
¶ उत्पन्नांचे अनेक स्रोत निर्माण करा.
¶ पैशाचा खेळ समजून घ्या आणि त्या खेळात जिंकण्यासाठी आर्थिक अभ्यास करा..
आपण या रॅट रेस मध्ये अडकलोय पण आपला मुलगा या रॅट रेस अडकायचा नसेल तर किमान एकदा तरी रिच डॅड पुअर डॅड हे पुस्तक वाचायला हवं....
