Free IPL, jio Cinema and Jio Cinema

 

Free IPL and jio Cinema...

IPL and Jio Cinema 

2023 चे IPL पहाण्यासाठी jio ने ते free मध्ये उपलब्ध करून दिले आहे. फ्री फ्री का बरं jio ने असे केले आहे. IPL दाखवण्यासाठी किती तरी वाहिन्या भलीमोठीं रक्कम मोजायला तयार असतात ते  jio cinema फुकट का दाखवतोय. नक्की काय कारणे आहेत. मुकेश अंबानी यांचा नक्की काय प्लॅन आहे...

lPL चे ब्रॉडकास्टिंग चे अधिकार हे 2017 ते 2022 पर्यंत TV आणि डिजिटल चे अधिकार 16000 करोड रुपया मध्ये विकले गेले होते.
आणि आता 2023 ला हे ब्रॉडकास्टिंग चे अधिकार फक्त डिजिटल चे 23000 करोड रुपयांमध्ये jio ने विकत घेतले. आता ही गुंतवणूक केलेली रक्कम jio कसा वसूल करणार आहे ते आपण पाहू या ....

OTT वर 2018 मध्ये कोणाचं राज्य होत तर ते होत Hotstar चं पण hotstar चे कस्टमर कधी वाढले तर ते वाढले IPL सुरू झाल्यावर किती तर 5 पट...

अंबानींनी 23000 करोड रुपये खर्च केलेत 5 वर्षांसाठी नक्की काय गेमप्लॅन आहे jio चा. कारण hotstar हा महिन्याला 200 - 300 रुपये चार्ज करत होता. पण jio cinema ने हे सगळं फ्री मध्ये दिल आहे ...

सगळयात आधी अंबानी या प्लॅटफॉर्म वर ट्रॅफिक आणतील.. लोकांना सवय लागलेल फ्री ची ..यामध्ये पहा फक्त jio चे कस्टम नाही तर सगळ्या युजर साठी ही सेवा फ्री असणार आहे. म्हणजे ज्याला ज्याला IPL फ्री पाहायचं असेल त्याने Jio Cinema वर पाहायचं..

● विशेष म्हणजे इंग्लिश समजत नाही तुम्ही तुमच्या भाषेत पाहू शकता...

● TV वर पाहताना आपल्याला TV जस दाखवतोय तसंच पाहावं लागत पण Jio Cinema वर आपण वेगवेगळ्या कॅमेऱ्यात पाहू शकतो...

● Live match सुद्धा तुम्ही रिव्हर्स मध्ये पाहू शकता. Match स्टॉप करू शकता..

यामुळे भरपूर लोक ipl पाहतील आणि हा आकडा मागच्या पेक्षा पाचपट असेल. आणि आता लक्ष्यात घ्या की जिथे कस्टमर तिथे बिजनेस...

आता Jio Cinema चे ग्राहक वाढणार आणि मग यावर ऍड दाखवण्यासाठी ऍड कंपन्या Jio Cinema शी करार करणार यातूनच पैसा मिळणार.. ऍड दाखवण्यात सुद्धा Jio ने कश्या अधिक कंपन्या येतील ह्याचा विचार केला आहे.. आणि यामुळेच IPL सुरु होण्यापूर्वीच जवळ जवळ 500 कंपन्यांनी करार केला आहे.

Data वापर मोबाईल वर match पहायची असेल तर त्यासाठी खूप deta लागेल. आणि डेटा आला की पैसा आलाच...
Jio fiber चा प्लॅन आहे की 399 मध्ये unlimited data म्हणजे match पहायची असेल तर data गरजेचा आणि यामुळे काय होईल तर Jio fiber चे कस्टमर वाढतील.

अजून एक गोष्ट म्हणजे Jio ने एक प्रोडक्ट बाजारात आणलं आहे ते म्हणजे Gio glass.
यावरून आपण match चा फिल वेगळ्याच प्रकारे घेऊ शकतो.. म्हणजे Jio Glass ची विक्री तुन अंबानी पैसा कमावतील...

Jio mobile मध्ये सुद्धा तुम्ही IPL पाहू शकतो.
तसेच मीडिया केबल चा वापर करून सुद्धा तुम्ही TV वर match पाहू शकता.

Match पहायची तर TV वर पण सुविधा Jio Cinema सारखी हवी तर त्यासाठी मेडिया केबलचा वापर करा आणि घरी TV वर match चा आनंद घ्या.. म्हणजे केबल च्या विक्रीतून सुद्धा अंबानी पैसा कामावतील..

एकदा का सगळ्यांना Jio Cinema ची सवय लागली की परत मग तुम्ही त्याचाच वापर करणार पुढे आपण त्यावर फिल्म सुद्धा पाहू शकतो. Web seris सुद्धा पुढे Jio Cinema वर प्रदर्शित होतील कारण तिथे खूप कस्टमर असतील..

आज Jio Cinema फ्री मध्ये आहे उद्या तो असेलच असे नाही. Jio SIM सारख free होईल एकदा का सवय लागली की मग सगळीकडे jio cinema चं असेल....

अंबानी मग त्यातून पैसा कमावतील..
असा आहे हा त्यांचा गेमप्लॅन...

Free IPL and jio Cinema

Money : Owner or Slave पैसा गुलाम की मालक

 पैसा हा हुशार माणसाचा गुलाम आणि मूर्खांचा मालक असतो का? याबाबत विचार करूया. 

How to use money

         आपल्या शिक्षणाची सुरुवात लहानपणासुन होते. त्यात शाळा खूप महत्त्वाची भूमिका बजावते. शाळेत आपण खूप साऱ्या गोष्टी शिकतो. भाषा, गणित, इतिहास, विज्ञान असे भरपूर विषय शिकतो. पण सगळ्यात महत्त्वाचा विषय जो आपल्याला दैनंदिन जीवनात खूप महत्त्वाचा असतो तो म्हणजे पैसा कमावणे आणि तो वापरणे. पण तोच विषय आपल्याला शाळेत शिकवला जात नाही. 

          सामाजिक , शैक्षणिक , भावनिक , राजकिय शिक्षणाबरोबर आत्ताच्या काळात आर्थिक शिक्षण हे खूप महत्त्वाचे आहे. पैसा कमावणे आणि तो वापरणे हे खूप महत्त्वाचे आहे. जर तुम्हाला पैसा वापरता आला नाही तर कितीही पैसा मिळाला तरी तुम्ही श्रीमंत राहणार नाही तर काही वर्षात पुन्हा गरीब होतान. म्हणूनच पैसा कमवण्याबरोबरच तो वापरायलाही शिका.

         श्रीमंत आणि गरीब यामध्ये नक्की कोणता फरक असतो ? विचार केला आहे का ? तर तो म्हणजे तुमची पैसा कमावण्याची क्षमता. ज्याची क्षमता अधिक तो अधिक पैसा कमावतो आणि ज्याची क्षमता कमी त्याच्या कडे कमी पैसा असतो. श्रीमंत, गरीब , मध्यम वर्ग असे गट पडतात ते यामुळेच.

          लक्षात ठेवा तुम्ही पैसा मिळवण्याचं कौशल्य शिकला की तुम्ही श्रीमंती कडे वाटचाल करू लागता. हीच तुमची खरी संपत्ती असते. हे ज्याला समजत तो स्वतः काम करत नाही तर पैशाला कामाला लावतो. पैसा त्याच्यासाठी काम करतो. ज्याकडे हे कौशल्य नसत तो आयुष्यभर पैशासाठी काम करतो.

          तुम्ही कोणतेही काम करत असा. नोकरी , व्यवसाय हे करत असताना त्या क्षेत्रात अधिक चांगल कसं करता येईल या साठी प्रयत्न करत राहा. नवनवीन शिकत राहा. आज जे काही काम तुम्ही केलं, त्यापेक्षा जास्त आणि चांगलं काम मी उद्या कसं करीन ह्याचा विचार रोज करत राहा.

             हे सगळं करण्यासाठी काय करावं लागेल ते पहा. मला अधिक काय नवीन शिकून घेता येईल याचा विचार करा.  स्वतःची पैसे कमावण्याची क्षमता वाढविण्यासाठी एखादं कौशल्य शिकून घ्या. हळू हळू तुमची हे कौशल्य वाढत जाईल. जे काही कराल ते सर्वोत्तम करण्यासाठी जीव ओता आणि पहा चमत्कार. तुमची संपत्ती वाढत वाढत जाईल. 

           हुशार माणसं पैशाला कामाला लावतात ते त्याला आपला गुलाम बनवतात. हे करण्यासाठी आपण काय केलं पाहिजे तर आपण एक्सपर्ट बनलं पाहिजे. त्यासाठी पुस्तके , युट्युब , इंटरनेट , माहितीपर ब्लॉग याची मदत घ्या शिका. ज्ञान वाढवत न्या. एखादा उपयुक्त कोर्स शिका त्यासाठी जे काही पैसे लागतील ते द्या. या जगात फुकट काहीच मिळत नाही. शिकण्यात इन्व्हेस्टमेंट करा ती कायम अधिक फायदा देते. 

​

            मूर्ख लोक पैसा गुंतवणूक करत नाहीत. पण खर्च फालतू गोष्टी वर करतात. त्याचा योग्य वापर करत नाहीत. मोठी स्वप्न पहायची पण ती पूर्ण करण्यासाठी कोणतीही कार्यवाही करायची नाही. मग कसे होणार तुमचं. 

 स्वतः सक्षम व्हा. आर्थिक तज्ञांच्या मतानुसार तुम्ही तुमच्या उत्पन्नाच्या 5 % हिस्सा तुमच्या स्वतःसाठी खर्च केला पाहिजे. त्यात नवनवीन कौशल्य शिकणं.

        आपल्या क्षेत्रात अपडेट राहणं नवीन आयडिया शोधन यासाठी त्याचा वापर करावा. ज्या गोष्टी आपल्याला येत नाहीत त्या तज्ञ लोकांकडून शिकल्या पाहिजेत. त्यासाठी कष्ट करा. आपली क्षमता वाढवत राहा. स्वतःला सिद्ध करा.

            माझ्याकडे पैसा आला की मी मला पाहिजे ते करीन असं मूर्ख लोक म्हणतात पण असं होतं नसत कधीच तर लक्षात ठेवा जेव्हा तुम्ही काही तरी कराल तेव्हाच तुमच्या कडे पैसा येईल.हीच तुमची खरी संपत्ती आहे. तुम्ही तुमच्या क्षमता ओळखा आणि त्याच्यावर काम करायला सुरुवात करा. जेव्हा हे तुम्ही कराल तेव्हा तुम्हांला पैशाच्या पाठीमागे धावावं लागणार नाही. तर तोच तुमच्या पाठीमागे धावत येईल.

 

        आर्थिक साक्षर जी लोक असतात ती पैशाला गुलाम बनवून हवं ते मिळवतात आणि मूर्ख लोक पैशाचे गुलाम होतात.

 

       आता सर्वस्वी प्रश्न तुमचा आहे तुम्हांला पैशाचं गुलाम व्हायचंय का त्याला तुमचा गुलाम करायचय.

 

Budget and Income Tax Slab 2023-24 अर्थसंकल्प आणि Income Tax

 अर्थसंकल्प आणि Income Tax 

Budget and Income Tax 2023-24

1 फेब्रुवारी 2023 ला मा.अर्थमंत्र्यांनी अर्थसंकल्प मांडला. या अर्थसंकल्पाकडे सर्वसामान्य लोकांचं लक्ष होत की Tax slab मध्ये नक्की काय बदल केला जातोय. 

2014 सालापासून जो Tax Slab आहे तोच ठेवला जातोय का ? का त्यामध्ये काही बदल केला जातोय...

परंतु जुन्या Tax slab मध्ये काहीच बदल न करता सरकारने नवीन Tax Slab मध्ये बदल केला. नक्की कसा आहे हा नवीन tax Slab ते आपण पाहू या..

जुना Tax Slab आणि नवीन Tax Slab यातील आपल्याला कोणता फायदेशीर आहे ते पाहू या ...

लक्षात घ्या नवीन TAX Slab मध्ये जरी बदल केला असला तरी जुना Tax Slab हा ही आहेच तो बंद केलेला नाही...

●● New Tax Slab 2023 ●●

3,00,000 :- Nil

3,00,000 to 6,00,000 :- 5 %

6,00,000 to 9,00,000 :- 10 %

9,00,000 to 12,00,000 :- 15 %

12,00,000 to 15,00,000 :- 20 %

15,00,000 + :- 30 % 

...... No any deductions  .....

●● Old Tax Slab ●●

2,50,000 :- Nil

2,50,000 to 5,00,000 :- 5 % 

5,00,000 to 7,50,000 :- 10 % 

7,50,000 to 10,00,000 :- 15 % 

10,00,000 to 12,50,000 :- 20 %

12,50,000 to 15,00,000 :- 25 %

15,00,000 + :- 30 %

Available any Deductions 

जुना TAX Slab गुंतवणूक करण्यासाठी प्रेरित करत होता. त्यामुळे आपण गुंतवणूक करून Tax Saving करत होतो.

पण काही जणांना ही सक्तीची गुंतवणूक नकोशी असते त्यांना मग काय पर्याय ? तर या नवीन Tax Regime मध्ये हा पर्याय दिला आहे...

ज्याला गुंतवणूक नको आहे त्यांनी हा Tax slab स्वीकारावा...

ज्यांना गुंतवणूक करायची आहे किंव्हा ज्यांची गुंतवणूक आहे त्यांनी जुना TAX Slab स्वीकारला तरी चालेल...

जे नोकरदार आहे, Salaried person आहेत  ते प्रत्येक वर्षी कोणताही Tax Slab स्वीकारु शकतात....

( त्यांना संधी आहे ज्या TAX Slab फायदा होतो तो ते प्रत्येक वर्षी स्वीकारू शकतात..)

पण

जे व्यावसायिक आहेत, Businessman आहेत त्यांनी लक्षपूर्वक Tax Slab स्वीकारावा कारण त्यांना एकदाच बदल करता येईल... पुन्हा life time तोच Tax Slab असेल.

तर चला मग हे Tax Slab चे प्रकरण तुम्हांला समजलं असेलच...

नवीन आणि जुना दोन्हीपैकी तुम्हांला जो फायद्याचा असेल तो स्वीकारण्यासाठी शुभेच्छा...💐💐

मुलींना सरकार देणार 75000 रुपये लेक लाडकी योजना

 लेक लाडकी योजना

महाराष्ट्र राज्य सरकार मुलींच्या सक्षमीकरणासाठी विविध मार्गांचा अवलंब करत असते. महिला आणि मुलींना अधिकाधिक सक्षम कसं करता येईल यासाठी राज्य सरकार प्रयत्नशील असतं. त्याचाच एक भाग म्हणून 2023 च्या अर्थसंकल्पात अर्थमंत्री मा. श्री देवेंद्र फडणवीस यांनी लेक लाडकी ही योजना सादर केली..

महाराष्ट्र राज्य अर्थसंकल्प 2023

नक्की कशी आहे ही योजना ते आपण पाहू या..

या योजनेत मुलीचा जन्म झाला की ती 18 वर्षाची होईपर्यंत तिला 75,000 रुपये मिळतील..

त्याची विभागणी कशी केली ते आपण पाहू या ..

मुलीचा जन्म झाला की तिला 5000 रुपये दिले जातील.

ती पहिली मध्ये गेली की तिला 4000 रुपये मिळतील..

मुलगी 6 वीत गेली की तिला 6000 रुपये मिळतील...

ती अकरावीत गेली की तिला 8000 रुपये मिळतील...

जेव्हा ती 18 वर्षाची होईल तेंव्हा तिला 75000 हजार मिळतील...

● अटी :- 

1. पिवळे आणि केशरी रेशनकार्ड धारक कुटुंबातील मुलींसाठी ही योजना असेल..

2. मुलीच्या पुढील शिक्षणासाठी मिळणारे पैसे थेट मुलीच्या बँक खात्यात जमा केले जातील.

3. मुलीचा जन्म सरकारी रुग्णालयातच झाला असला पाहिजे. 

4. ते कुटुंब महाराष्ट्र राज्यातील मूळ कुटुंब असले पाहिजे. 

5. मुलीच्या पालकांचे बँक खाते असणे आवश्यक आहे.

मुलीचा जन्म झाल्यापासून तिच्या शिक्षणापर्यंतची आर्थिक मदत राज्यशासनाकडून केली जाणार आहे. 

¶ समाजात असणारी मुलींबद्दलची असमानता दूर केली जाऊ शकते.

¶ यामुळे राज्यातील मुलींच्या संबंधित सकारात्मक विचार करण्यास समाज सुरुवात करेल

¶ ही योजना गरीब कुटुंबात जन्म झालेल्या मुलींना आर्थिक मदत देऊन त्यांचे भविष्य उज्ज्वल करण्याचा प्रयत्न करेल.

¶ गरीब कुटुंबात मुलींचा जन्म हे ओझे मानले जाणार नाही.

● थोडक्यात... 

*लेक लाडकी योजना*

 *महाराष्ट्र राज्य*

( पिवळे आणि केशरी रेशनकार्ड धारक कुटुंबातील मुलींसाठी )

मुलीचा जन्म : 5000 रुपये

मुलगी 4 थी :- 4000 रुपये

मुलगी 6 ली : 6000 रुपये

मुलगी 11 वी :- 8000 रुपये 

मुलगी 18 वर्षाची :- 75000 रुपये 

( मुलींच्या सक्षमीकरणासाठी )

स्वातंत्र्य आणि आधुनिकतेच्या नावाखाली अनैतिकतेचा वेगाने प्रसार...

 स्वातंत्र्य आणि आधुनिकतेच्या नावाखाली अनैतिकतेचा वेगाने प्रसार...

सहजीवन , विवाह संस्था यांबाबत कसलीही आस्था राहिली नाही. तरुण पिढी जीवनभर समर्पण, त्याग , जबाबदारी आणि आदर या पासून खूप दूर गेली आहे. 

स्वातंत्र्य , स्वतःचाच विचार आधुनिकता यांच्या  नावाखाली लैंगिक हुकूमशाही हैदोस घालत आहे. आणि नाते, नैतिक मूल्ये , लग्न , कुटूंबसंस्था या पार  कोलमडून पडलेल्या आहेत.

आजच्या जगात विवाह बाह्य संबध म्हणजे फॅशन झाली आहे..

प्रत्येकाला यशस्वी व्हायचंय , पैसा मिळवायचाय , प्रसिद्ध हवीय हे सर्व चांगलच आहे पण त्यासाठी कोणताही मार्ग पत्करला जातोय. मार्ग महत्त्वाचा वाटत नाही फक्त ध्येय महत्त्वाचे वाटते मग त्यासाठी नैतिकतेचा बळी दिला जातोय..

महिला आणि पुरुष दोघेही कमावतात मग दोघांनाही स्पेस हवाय एकमेकांपासून आणि याच्या नावाखाली काय तर बाहेर आपल्या मित्र/मैत्रीण सोबत फिरणे. बॉस सोबत टूर ला जाणे याच पर्यावसान कशात होत तर अनैतिक संबंधात ....

लग्नानंतर रोमान्स कमी होत जातो. का तर 

तुम्ही तुमचं नात समजून घेत नाही, ते तुम्ही फुलवत नाही, त्याला वेळ देत नाही. 

तुमची नात्यामधील जबाबदारी समजून घेत नाही. तुमचं कर्तव्य काय आहे, याच भान ठेवत नाही. जोडीदाराचा विश्वासाला किंमत देत नाही. 

मी , माझं स्वातंत्र्य, माझी गरज , माझं सुख , माझं प्रेम, फक्त आणि फक्त स्वतःचाच विचार यामुळे तर हे अनैतिक संबंधांना खतपाणी घातलं जात..

एक्सट्रा मॅरेटीयल अफेर ही कॉमन गोष्ट आहे. सध्या सगळीकडे तेच चाललंय. आपण केलं तर काय चूक केलं.. पण अशा गोंडस सबबी सांगून चुकीचं ते बरोबर होत नाही..

लक्षात घ्या 

नात टिकवायला शिका. त्यासाठी प्रयत्न करा. संयम, त्याग , आपल्या बरोबर दुसर्याचाही विचार करायला शिका.. 

वर्षानुवर्षे आपलीं संस्कृती उभी आहे ती या मूल्यांवर.. 

Human things: Sudha Murthy/गोष्टी माणसांच्या : सुधा मूर्ती

गोष्टी माणसांच्या 

सुधा मूर्ती 

अनुवाद :- लीला सोहोनी

लाल भाताची कणगी ह्या कथेत लेखिका दान देताना जे अपल्या कडे सर्वोत्तम आहे तेच द्यावं. दान स्वीकारणाऱ्याना परावलंबी आणि असहाय बनवू नका. श्रीमंत लोकांपेक्षा मध्यम वर्गीय आणि कनिष्ठ लोकच सढळ हाताने मदत करत असतात हे लक्षात घ्या.

मोठी माणसं किती साधी असतात त्यांचा कामाचा झपाटा कसा विलक्षण असतो ही बाब श्री अब्दुल कलाम या गोष्टीतून अनुभवायस येत.

" साधं राहणं ही काय साधी गोष्ट नाही याची प्रचिती येते."

खरा दागिना या कथेत शिक्षण किती महत्वाचे असते आणि त्याची खरी  किंमत अडाणी माणसांनाच असते. खरा दागिना म्हणजे काय नक्की तो कसा असतो. हे कळत आणि पुरुष सुशिक्षित झाला तर फक्त तोच सुशिक्षित होतो परंतु स्त्री सुशिक्षित झालीं तर ती संपूर्ण कुटुंब सुशिक्षित करते.

जे आर डी या गोष्टीत टेल्को कंपनी त्यामधली मुलाखत आणि जे आर डी यांना पाठवलेले तक्रार पत्र यांची माहिती अत्यंत मनोरंजन पद्धतीने मांडली आहे. जे आर डी स्वतः जेव्हा नारायण मूर्ती येईपर्यंत  सुधा मूर्ती सॊबत वाट पाहत उभे राहतात. तेव्हा त्यांच्यातील साधेपणा ठळकपणे जाणवतो.

सुधा मूर्तींना नवीन कंपनी सुरू करताना जे आर डी नी दिलेला संदेश अमूल्य आहे.

परीक्षा आणि परीक्षेतील मार्क महत्वाचे असतं नाहीत तर तुमची नीतिमूल्ये आणि त्यांचा तुम्ही जीवनात केलेला वापर हे महत्त्वाचं असत. ए फॉर ए ग्रेड नाही तर ए फॉर ऑनेस्टी हे छानपणे सांगितलं आहे.

आपण ज्या समाजामध्ये वाढलो त्या समाजाचं आपण काही तरी देणं लागतो. माणसाने समाजाचं ऋण परत करावं. हा उदात्त विचार सुधा मूर्तींना कसा आणि कोणामुळे सुचला हे " अम्मा, हे तुझं कर्तव्य नाही का ? या गोष्टी मधून त्यांनी उत्तम पणे मांडलय.

इतरांच्या कल्याणासाठी आपण कितीही वेदना सहन करण्याची ताकद ठेवली पाहिजे. स्वतःच्या आधी इतरांचा विचार हा गाभा ह्या गोष्टीतून व्यक्त होतो ... ' अॅनेस्थेशियाची कथा '

अनुभव हा माणसाचा सर्वात मोठा शिक्षक असतो.

अनुभवाने मिळणारे ज्ञान हे कोणत्याही शाळा कॉलेजात मिळत नाही. ते संपादन करण्यासाठी किती तरी वर्ष जावी लागतात. त्यामुळे वडीलधाऱ्या मंडळींचा सल्ला आपण घ्यायला हवा. तो जीवनात गरजेचा असतो ते ' वाटणी ' या कथेतून उत्तमपणे सांगितलं आहे.

सुधा मूर्ती यांची लेखन शैली अत्यंत सरळ, हलकी फुलकी, मनोरंजक आहे. नैतिक मूल्यांचे संदेश छोट्या छोट्या गोष्टींमधुन दिले आहेत.

वाचकाला या कथा वाचताना गुंतवून टाकतात. नारायण मूर्तींची भेट ,त्यांचं स्वप्न तसेच त्यांची बदललेली भूमिका यांबाबतची ही गोष्ट आहे.

वाचन माणसाला समृद्ध करत जात हे आपल्या आजोबांच म्हणणं आणि त्यासाठी खेड्यामध्ये वाचनालय उघडणे. 

आपली स्वप्ने पूर्ण करण्याची उर्मी , नैतिकता किती महत्वाची असते. समाधान आणि तृप्ती असणं हे गरजेचं असत. या सगळ्या बद्दल ह्या माणसांच्या गोष्टी खूप काही सांगतात...

एकदा वाचावयास हवं असं पुस्तक ....

चेरीच झाड आणि इतर ७ कथा - Ruskin Bond

 

 चेरीच झाड आणि इतर ७ कथा

                              -  रस्किन बॉंड

रस्किन बॉंड यांच्या लेखणीतून उतरलेल्या भावस्पर्शी आणि रोमांचकारी कथांचा संग्रह म्हणजे हे पुस्तक आहे. 

 या पुस्तकाचा मराठी अनुवाद नीलिमा भावे यांनी अगदी उत्तम केला आहे.

रस्किन बॉंड हे नाव वाचून तुम्हांला हा लेखक इंग्लिश वाटत असला तरी हा अस्सल भारतीय आहे. त्यांची सगळी जडणघडण ही भारतात झाली आहे. हिमालयाच्या कुशीत सिमला, डेहराडून या भागातच त्यांच्या जीवनाचा बराचसा काळ गेला.

या पुस्तकातील ८ कथा आपल्याला खिळवून ठेवतात.

वणव्यातील वाट ही कथा आपल्याला शिकवते की  कधीही जिद्द सोडू नये. जे काम करत असाल ते करत राहील पाहिजे. तुम्हांला एखाद्या संकटातून बाहेर पडायचं असेल तर प्रयत्न करत रहा. चालत राहा. घाबरून जाऊ नका. आपल्या ध्येयावर लक्ष केंद्रित करून त्याच्या दिशेने वाटचाल करा.

देहराच्या घरी या कथेत मुलाचं आणि वडिलांचं प्रेम उत्कटपणे उभं करण्यात लेखक कमालीचा यशस्वी झालाय. मनाचे अंतरंगी भाव उत्कट पणे प्रगट झालेले दिसून येतात.

बिबट्या आणि चंद्र ही कथा डोंगर दर्यात राहणारे लोक त्यांना मूलभूत गरजा वेळच्या वेळी पूर्ण करण्यासाठी किती संघर्ष करावा लागतो.

शाळा शिकण्यासाठीची पायपीट, दवाखान्यासाठी ७ ते ८ मैल करावी लागणारी घौडदौड, बिबट्याशी सामना करताना येणाऱ्या अडचणी यांची अतिशय आर्तपणे मांडणी केलेली आहे.

एखादं झाडच बी लावणं आणि त्याला वाढवत त्या सगळ्या प्रवासच साक्षीदार होणं यातील आनंद नक्की काय असतो हे अनुभवने. त्याच्या बरोबरच असलेल भावनिक नात याच वर्णन केल आहे.

इच्छा या कथेत माणसाचं आयुष्य कधीच त्याला वाटत तस पुढं जात नसतं. त्याच्या इच्छा पूर्ण होत नाही. त्याला कशा पद्धतीने काही गोष्टींवर समाधान मानावे लागते हे सांगण्यात लेखक यशस्वी होतो.

लहानपणीचे सखेसोबती यामध्ये प्राणी , पक्षी याच नक्की काय नात असत ते पुन्हा एकदा जाणवत राहते. लहान मुलांच भावविश्व किती मोठं असत. त्यामध्ये कोणाकोणाला स्थान असत हे दर्शविण्यात आलेले आहे.

अंत्ययात्रा यामध्ये माणूस कसा विचार करतो, प्रसंगानुरूप त्याची विचारशक्ती कशी बदलत जाते, माणसाला एकाकीपणाची अटळतेची जाणीव होते.

या कथा वाचताना आपण त्यामध्ये रंगून जातो. आपलं मनोरंजन होते तसेच त्या कथामधील पात्रांच्या जागी स्वतःला ठेवून पाहतो त्यांच्याशी आपले साधर्म्य साधण्यास लेखक प्रवृत्त करतो.

अशा या ८ कथां आपण अनुभवाव्यात यासाठी  आपणाला शुभेच्छा...